عمرو أديب عن الأزمات والأسعار: «الأيام الجاية مش طريفة»

تحدث الإعلامي عمرو أديب، عن الأسعار في أسواق الجملة، موضحا كونها أفضل وأرخص، «اللي يدور يلاقي»، مؤكدا أن المواطن يجد بها السلع بسعر أرخص من السعر الغالي.

وأوضح أديب، خلال برنامج “الحكاية”، مساء الأحد، أن هناك فرق في سعر كيلو المانجو بسوق الجملة عن المحال العادية، يصل إلى 15 جنيها، معلقا: «والمنتج هو هو، عايز توفر أهلا وسهلا، فلوسكم كتير ومش شايفين الأيام الحلوة اللي جاية خلاص».

تجربة دولة الإمارات

وأشار عمرو أديب إلى ضرورة الترشيد في الاستهلاك خلال الفترة المقبلة، مضيفا أن دولة الإمارات حددت 10 سلع يتطلب رفع سعرها موافقة وزارة الاقتصاد أولا، معلقا: «ياريت مصر تعمل كده».

وأردف أديب أن هذا القرار سيضرب الاحتكار، وهو ليس تسعيرة جبرية، مضيفا: «مافيش حد في العالم سايب الموضوع كده، إحنا في أزمة، اتعب شوية واشتري من حتة تانية، القرش اللي هيتوفر ليك، والأيام الجاية مش طريفة».